Bilførar: Seier seg skuldig i tiltalen
21-åringen, som er tiltalt etter bilulukka der Emma Weberg Kaldestad (18) mista livet, erkjenner straffskuld.
Publisert
Sist oppdatert
Emma Weberg Kaldestad (18) køyrde scooter då ein bil kom over i hennar køyrefelt på fylkesveg 5024 i Matre i Kvinnherad 19. juli i fjor.
Statsadvokaten i Hordaland har teke ut tiltale mot 21-åringen for aktlaust bildrap. Ifølgje tiltalen skal 21-åringen både ha køyrd for fort og vore uoppmerksam i samband med ulukka som skjedde like sør for Krabbanestunnelen.
Annonse
Skrudde på friskluftanlegget
I tiltalen står det at farten på bilen har vore mellom 91 og 103 kilometer i timen i 80-sona. Vidare står det at den unge kvinna under køyringa tok merksemda bort frå vegen og betente bilen sitt friskluftanlegg eller andre element, slik at bilen kom over på venstre side av vegbanen der han kolliderte med scooteren.
18-åringen døydde på staden av knusingsskadar.
Stappfullt
Annonse
Emma Weberg Kaldestad hadde ein stor vennegjeng frå heile Kvinnherad, og 15 ungdommar er til stades i retten på Stord i dag. Elles er både nær familie av både tiltalte og omkomne til stades i retten.
Rettssaka går i sal 2 som er fullsett. Saka blir i tillegg sendt på videolink til sal 1 for at tilhøyrarane skal få følgja saka.
– Me er her for å svar på ting som me lurer på, og kva som skjedde den kvelden Emma omkom, seier Lene Omvik Furdal (18), som var venninne av Emma Weberg Kaldestad til Sunnhordland.
