Bil og førar hamna i sjøen
Politiet melder på Twitter at ein bil hamna i sjøen på Utåker.
Bilen skal ha køyrd på fergelemmen og hamna i sjøen. Førar var observert i bilen, og dei melder vidare at bilen skal ligge på 10-15 meter djup utanfor. Naudetatane er på staden.
Klokka 15.32 melder dei på twitter at ein dykkar er i vatnet og set i verk redning av etter alt og døma ein person.
Annonse
Klokka 15.38 melder dei at personen er frigjort og teke til overflata, og er no på veg inn til land. Skadeomfanget er ukjend.
Like etterpå melder dei at personen får livreddande fyrstehjelp på staden.
