Bil i brann på Sunde

– Brann og politi rykker ut etter melding om brann i køyretøy. Skal stå på ein parkeringsplass. Ikke meldt at det er personar i eller ved bilen, melder Vest politidistrikt.

Kvinnherad brann og redning er på plassen med effektive verktøy, kan Grenda-tilsett Jarle Håvik rapportera frå brannstaden.

– Fem sekund etter biletet er tatt, så var det heile sløkt og det var berre røyk igjen, seier Håvik.

Politiet gjer avhøyr av vitne på staden.

I 2130-tida meldte Bjarte Rebnord ved operasjonssentralen til politiet at politiet har avslutta sitt arbeid på staden.

– Det er uklart kvifor brannen har oppstått. Det blir oppretta sak, opplyser han.