Bil av vegen i Austrepollen
Det er mistanke om aktlaus køyring etter at ein bil hamnar utfor vegen i Austrepollen laurdag kveld.
Trafikkuhellet skjedde i 21-tida, og både ambulanse og politipatrulje frå Odda kom til staden. Heldigvis var det ikkje snakk om personskadar, men det er mistanke om aktlaus køyring.
– Det har i etterkant blitt oppretta ei trafikkuhellssak då det er uklart korleis uhellet skjedde. Det var ein del materielle skadar på bilen, men ingen personskadar, uttalar Politistasjonssjef Sigurd Børve måndag føremiddag.
