Besøkstenesta på avslutningstur til Bømlo
Tidlegare i sommar hadde Røde Kors Kvinnherad sin besøksteneste ein avslutningstur før sommarferie. Turen gjekk sørvestover til Bømlo.
Med Frode Eikemo som gaid, tok til saman 49 kvinnheringar turen nedover.
Einar Oppedal fortalde at fyrste stopp var på Bømlo Storsenter for å få i seg litt kaffi.
Annonse
– Så gjekk turen vidare til både Brandasund og Moster. Til slutt enda turen tilbake på Svortland der me fekk deileg kjøtsuppe og kake, sa Oppedal.
Oppedal vil også takka både sjåføren, gaiden og dei som hadde laga til turen for ein fin tur.
