Ber Språkrådet om hjelp: Skal tunnelen heita Krokatunnelen eller Krokatunellen?
Det er kome inn ein høyringsuttale i saka om korleis tunnelen mellom Kroka og Sunndal skal namnsetjast. Språkrådet er kopla på saka.
Publisert
Det er Vestland Fylkeskommune som har starta opp arbeidet med å namnsetje tunnelen. Forslaget dei kom med var «Krokatunnelen», og høyringsfristen vart sett til 27. april.
Det er Kvinnherad kommune som har stått for den lokale høyringa, og det eine forslaget som er kome inn er «Krokatunellen».
Annonse
Kommunen ber no Språkrådet om tilråding om skrivemåte, namneskikk og namnsetjing, og ynskjer at dei kjem med ei vurdering på korleis namnet bør skrivast. Dette kjem fram i eit brev til Språkrådet, som no ligg på postlista.
Kommunen presiserer vidare at det enno ikkje er gjort vedtak i saken.
«Fylkesutvalet i Vestland Fylkeskommune fattar endeleg vedtak etter at de har gjort dykkar tilråding.» heiter det i brevet.
Jamstilt sidan 2005
Annonse
Sjølv om tunnel lenge var den einaste offisielle skrivemåten, har begge variantane vore jamstilte i både nynorsk og bokmål sidan 2005.
«Bakgrunnen for denne endringa var eit ønske om å få betre samsvar mellom skrivemåten og uttalen av ordet i norsk», skriv Språkrådet i ein av sine mange opplysande artiklar om språk.
