Bekkenes gir seg i Scana

– Styrk Bekkenes har i dag informert styret om at han trekkjer seg frå sin posisjon som toppleiar i selskapet. Styret har bestemt seg for å Oddbjørn Haukøy som mellombels administrerande direktør, og at ein startar ein prosess for å finna ein permanent erstattar for Bekkenes, skriv Scana i ei melding på eigne nettsider 12. januar.

Styreleiar Dag Schjerven og styremedlemmene Rune Magnus Lundetræ og Marianne Lie har samstundes informert styret om at dei trekkjer seg frå sine posisjonar, med umiddelbar effekt, går det fram av same meldinga.

I november 2022 kjøpte selskapet No Surrender, som er nærståande til den nye, mellombelse toppleiaren i selkapet, 80 millionar aksjar i Scana. Desse vart kjøpte frå Herkules, som med det selte seg ned frå 121 til 31 millionar aksjar i selkapet. Bekkenes har vore Herkules sin mann i Scana, slik han var då Herkules i si tid kjøpte opp både Schat-Harding og Noreq og slo desse saman til Harding. Livbåtselskapet vart seinare selt til austerrikske Palfinger.