Behov for utvida kapasitet – oppgraderer fiberkabel
På to strekningar i Kvinnherad vil det fram mot årsskiftet føregå arbeid med å oppgradera fibernettkabelen.
Publisert
Sist oppdatert
Det er selskapet Opp kraftledningstjenester AS som no har starta arbeidet med oppgradering av fibernettkabelen på BKK sine høpspentlinjer, dette på oppdrag for Kvinnherad Breiband. Oppgraderinga skjer mellom Austrepollen og Sunndal og mellom Uskedalen Trafostasjon og Langgot/Husnes.
«Oppgraderinga blir utført grunna behov for utvida kapasitet på stamfiber, og er ein del av ei større investering som Kvinnherad Breiband AS jobbar med, i samarbeid med OPP Kraftledningstjenester AS. Arbeidet vil pågå i ein periode fram til årsskifte 24/25», skriv Kvinnherad Breiband på si nettside.
Annonse
– Det kjem ikkje fleire kablar på strekket enn det som er i dag, men vi oppgraderer med heilt ny kabel kalla for «OPGW» (fjernar den gamle), med utvida fiberkapasitet tilpassa framtidige behov. OPGW er ei linje som både har jording og kommunikasjon (fiber), opplyser Gunnhild Nilsen Hillestad, dagleg leiar i Kvinnherad Breiband, til Grenda.
