Begge vegane endeleg opna
No er det fritt fram å køyra enten til Nordrepollen eller gjennom Folgefonntunnelen.
Publisert
Sist oppdatert
Søndag klokka 17.30 vart vegen mellom Austrepollen og Nordrepollen stengt. Ifølgje Vegtrafikksentralen skjedde stenginga mellom Ytsteholmen og Kamrygg. Årsaka var flaum og rasfare. Det kom svært mykje nedbør i løpet av søndagen. Målingar viser 85 millimeter i Nordrepollen og heile 95 mm i Øyerhamn på Varaldsøy.
Søndag kveld i 19.30-tida gjekk det så eit ras rett utanfor Folgefonntunnelen på Maurangersida, nærare bestemt i Ospelundsgjelet. Raset var ganske omfattande, og nådde ut i halve vegen. Med seg ned fjellsida hadde det store mengder stein, grus og vatn.
Annonse
Begge vegane var stengde gjennom kvelden og natta, og vart opna samstundes klokka 12.50 måndag. Gravemaskin er komen til Austrepollen, og vil mogleg fortsetja oppryddingsarbeidet på tysdag.
