Båtar gjennom tidene

«Ta med heile familien for å sjå båtane som vert utstilte på kaien; skinnbåt, stokkebåt og Halsnøybåten. Kven er best i båtterminologi og kven kan løysa knutane?», skriv Fagleiar natur på Folgefonnsenteret Sara Nonås Langhelle i ei pressemelding.

Filolog og professor i norsk Eldar Heide kjem for å halda føredrag om «båtutvikling og terminologi gjennom 2000 år. Før føredraget vert det guida tur i Skaalurensamlinga og aktivitetar for store og små på kaia.

«Sjølve føredraga vert innleia av dagleg leiar i Geopark Sunnhordland, Brynjar Stautland. Avsluttande ord om «framtida sitt framdriftssystem» vert halde av geolog Anouk-Letizia Firle ved Geopark Sunnhordland», kan vi lesa i pressemeldinga.

Elles blir det høve til å sjå ei framsyning av biletspelet «Skipsbygging i Skålafjæro», bygga strikkbåt, og sjå utstilling av båtar. Høgdepunktet blir føredraget med Eldar Heide.

«I dette føredraget kan du følgja utviklinga av nordiske og vestnorske båtar frå skinn- og stokkbåtar i steinalderen, via vikingskipa, til hardangerjaktene på 1800-talet. Fokus vil vera på teknisk utvikling og teminologi sett i samanheng», skriv føredragshaldaran sjølv.

Mykje av terminologien frå båttradisjonane har overlevd fram til i dag sjølv om teknologien og byggemateriala har endra seg.

«Naglane vi klinkar borda saman med, blir kalla saum, som er eit minne frå den tida borda vart sydde saman. Kjøl heng i hop med kjelke. Stamn heng i hop med stuv, stubbe og stamme. Delar av båten blir samanlikna med kroppsdelar – for å nemne nokre døme. I dei lokale småbåttradisjonane har den eldste terminologien i stor grad overlevd, medan vi i seglskutetradisjonen finn stor påverknad frå lågtysk, nederlandsk og engels i seinmellomalderen og seinare», avsluttar Heide.