Båt køyrde på land

Det vart høyrt eit smell og noko roping frå området. AMK meldte få minuttar seinare om ein båt som var køyrd på land. Naudetatane var raskt på staden, og fekk kontakt med 3 personar om bord i båten. Alle var medvitne og prata.

Alle tre om bord var menn og framstod rusa. Ein mann i 40-åra vart sendt til Haukeland med luftambulanse. Ein mann i 50-åra vart frakta til sjukehuset på Stord i ambulanse og den tredje, ein mann i 40-åra, vart teken til legevakta.

Det er enno ikkje klart kva årsaka til ulykka var, men det vart registrert store materielle skadar på båten. Det vart teken blodprøve av førar av båten.

Dette melder Vest politidistrikt på Twitter.