Fredag inviterte Kvinnherad kulturskule barnehageborn frå Halsnøy, Sunde, Husnes, Herøysund og Uskedalen til konsert i Husnes kulturhus. I dansesalen fekk dei sjå fleire danseshow, og i konsertsalen vart dei mellom anna underhaldt av song, marimba, gitar og trommer.

Barnehageborna fekk dansa med kulturskule-elevane: Sjå biletserie

Fredag inviterte Kvinnherad kulturskule fleire barnehagar til konsert i Husnes kulturhus. Sjå biletserie her!

Marthe Eide
Publisert Sist oppdatert

Medan dansesalen fylte seg opp av små, spente barnehageborn frå Halsnøy, Sunde, Husnes, Herøysund og Uskedalen, var nervene og iveren blant kulturskule-elevane i høgspenn. Den eine dansegruppa kunne fortelja at dei hadde førebudd seg i fleire veker, og gledde seg stort til å endeleg kunne visa fram dansen sin.

– Me skal dansa hip-hop til songen «Everybody» av Backstreet Boys. Me er litt nervøse, men samstundes gleder me oss veldig, seier niåringane Isabelle Hamre Lemicka og Annika Opdal før dei gjekk gjennom stega ein siste gong.

Niåringane Isabelle Hamre Lemicka (t.v.) og Annika Opdal var både spente og klare for å visa fram hip-hop dansen sin til barnehageborna.
Denne jentegruppa kunne i forkant av danseframysinga fortelja at dei var vane med å opptre, men var likevel litt nervøs. - Men det er mest gøy, sa Linnea Haugland Handeland (t.v.), Victoria A. Jacobsen, Luna Gravdal, Mari B. Holmedal og Ingeborg Tveit (framme).

Dansande barnehageborn

Ei etter ei dansegruppe imponerte med tøffe dansar til stor applaus frå barnehageborna. Etterpå fekk dei unge håpefulle koma på dansegolvet med elevane, der danselærar Kate Ovsiukova lærte dei ein kort og sjarmerande koreografi. Borna smilte frå øyra til øyra medan dei dansa, og det var tydeleg at dette var ein kjekk barnehagedag.

– Det var kjempegøy å dansa, og stega var lett å læra seg, sa Thea Reime (5) og Patrick Stensletten (4) etter danseframsyninga.

Borna var delt inn i to grupper, der den eine gruppa fekk sjå fleire små danseshow, og den andre gruppa vart underhaldt med mellom anna song, marimba, strykeorkester, gitar og trommer i konsertsalen. Då koret framførte sine songar var det lagt opp til allsong, og barnehageborna stemte godt i.

Barnehageborna Thea Reime og Patrick Stensletten koste seg stort då dei fekk dansa med kulturskule-elevane.
Kulturskule-elevane viste fram mange ulike dansestilar til tøff musikk. Det var tydeleg at barnehageborna likte det dei såg.
Barnehageborna klappa og dansa då kulturskule-elvane viste fram dansane sine.
Desse tøffe gutane imponerte med ein kul hip-hop-dans.
Den eldste dansegruppa imponerte med to avanserte og kule dansar.
Danseframsyninga fekk fram smila hos både kulturskule-elevane og publikumet som bestod av barnehageborn frå ulike bygder i kommunen.
Vilja (oppe til venstre), Ingeborg, Olea, Hedda, Sophia, Elvira, Selma og Hanna skulle dansa til songen «Jump», og gledde seg stort til det var deira tur.
I konsertsalen ynska Silje D. Eide barnehageborna velkommen. Borna var delt inn i to grupper, der den eine gruppa fekk sjå fleire danseshow, og den andre gruppa vart underhaldt med mellom anna song, marimba, strykeorkester, gitar og trommer.
Då koret framførte sine songar var det lagt opp til allsong, og barnehageborna stemte godt i.
nyhende dans husnes biletseriar kultur sosiale tilhøve kultur og underhaldning familie og born
Powered by Labrador CMS