Barnehagar og skular til grønt nivå
Sektor for oppvekst melder om at Kvinnherad kommune har vedteke at alle barnehagar og skular går til grønt nivå frå og med onsdag 26. januar.
Publisert
Sist oppdatert
– Dette vart gjort med bakgrunn i vurdering av barns beste og barn og unge sin trong for å vera saman med vener, heiter det i eit informasjonsbrev frå sektorleiar.
Det er informasjon frå FHI og Udir sin artikkel, «Dette veit vi om smitte i barnehagar og skular», som er lagt til grunn for vurderingane.
Annonse
Grønt nivå er det lågaste smittevern-nivået, og det vert med dette opna opp for at kvardagen til barn og unge kan bli meir normal, utan kohortar og slike avgrensingar. Sjølv om skulane og barnehagane i kommunen går frå gult til grønt nivå, vil det generelle smittevernet framleis gjelda:
Ein skal dermed framleis halde seg heime når ein er sjuk, fokuset på handvask og god hostehygiene vil fortsetja, og ein skal unngå fysisk kontakt.
Utdanningsdirektoratet har nyleg oppdatert rettleiaren om smittevern i barnehagar og skular, og ein kan såleis finne meir informasjon og svar på spørsmål knytt til smittevern, karantene, testing med meir på denne sida.
