Banka familiemedlem og truga politiet på livet – må i fengsel

Det var i desember i fjor at store styrkar frå politiet rykte ut til ei adresse i Kvinnherad etter at ein mann hadde utøvd vald mot eit familiemedlem. Mannen hadde også truga med å ta livet av den same personen.

Etter å ha blitt arrestert, slengte mannen ei rekkje stygge meldingar til to av politibetjentane, og følgde opp med å også truga dei på livet.

Hordaland tingrett fann mannen skuldig i å ha utøvd vald og framsett trugslar. I tillegg til det dømte dei han for brot på besøksforbod, oppbevaring av narkotika og for å vera i eigarskap av våpen.

Mannen vart dømt til 120 dagar i fengsel.