Bakke og Helland vidare i VM
Det gjekk vegen for bogeskyttarane frå Kvinnherad i dei innleiande rundane med 3D bogeskyting.
Publisert
Sist oppdatert
Både Terje Bakke og Atle Helland er teken ut på det norske landslaget i 3D bogeskyting som i desse dagar er i Italia for å delta i verdsmeisterskapen.
«Både Terje og eg er vidare i VM i bogeskyting. Vi klarte begge cutten og er blant dei 22 beste», skriv Helland frå Italia.
Annonse
Dei er sjølvsagt nøgde med å ha kome vidare, og ser no fram til å ha ein dag fri, før det er nye rundar på torsdag.
Helland er også med på det norske laget som ein av tre skyttarar.
«Vi er blant dei åtte beste laga som er kvalifisert, så der blir det skyting på fredag», informerer han.
Det blir difor spanande å følgja med på korleis våre menn gjer det vidare i verdsmeisterskapen, både individuelt og i lagssamanheng. Heia, heia!
