Avviklar fritt behandlingsval
Fredag fremja regjeringa forslaget om å avvikla godkjenningsordninga i fritt behaldningsval. Føl Stortinget opp blir ordninga historie frå 1. januar 2023.
Publisert
– Ordninga med fritt behandlingsval har i liten grad oppnådd føremålet om å få ned ventetidene eller gjort helsetenesta meir effektiv. Samstundes har den bidrege til å svekkja dei offentlege sjukehusa. Difor avviklar vi ordninga, seier helse- og omsorgsminister Ingvild Kjerkol i ei pressemelding.
At ordninga blir avvikla betyr i praksis at private aktørar ikkje lenger får fri etableringsrett, og pasientane sin rett til å velja behandlingsstad består.
Annonse
– Eg vil difor understreka at alle pasientar i spesialisthelsetenesta framleis skal kunne velja mellom offentlege og private tilbod som dei regionale helseføretaka har skaffa gjennom anbod og eigne avtaler, presiserer ho.
Ordninga blir avvikla med intensjonen å styrke vår felles helseteneste.
