Avlyser SIKVAL komande torsdag

– Då det vart meldt om auka smitte i Kvinnherad, og at ein gjerne skulle vera forsiktig med å samla folk frå ulike bygder, fann eg det best å spørja kommuneoverlegen om eit tydeleg råd angåande SIKVAL denne veka. Rådet var å ikkje samlast no og det har eg stor forståing for. Så difor er SIKVAL torsdag 25. november diverre avlyst, melder leiar Jan Ove Totland.

SIKVAL står for Saman I Kyrkja VALen, og er treffkveldar i kyrkjestova i Valen kyrkje tilrettelagt for vaksne utviklingshemma, og opne for alle.

– På SIKVAL-kveldane har me ei stund med mat og kaffi, leikar og song, høve til å fortelje om noko ein har opplevd og elles bidra med dikt, song osv. Samlingane avlsuttar inne i kyrkjerommet med song, ord for kvelden der ein av deltakarane les ein bibeltekst, stille bøn med tenning av lys i lysgloben, Fader vår og Velsigninga. Denne gongen skulle musikkgruppa Amigos ha ein mini-konsert som del av programmet, forklarer Totland.

Siste SIKVAL hadde dei rett før landet stengde ned i mars i fjor. På SIKVAL-samlingane har det vore frå kring 50 til over 70 personar.

– Så lenge 1-meter regelen gjaldt kunne vi ikkje ha SIKVAL. No hadde vi gleda oss til å møtast igjen, seier leiar Jan Ove Totland.