Avkreftar mistanke om ruskøyring
Politiet i Kvinnherad avkreftar at det er mistanke om ruskøyring i samband med trafikkulukka på Løfallstrand måndag morgon.
Publisert
Sist oppdatert
Måndag morgon hamna ein bil på veg innover fjorden i ein hage på nedsida av fylkesveg 500, med andre ord på motsett side av køyrefeltet til bilen.
– Me mistenker at det er rus involvert, sa Tatjana Knappen ved operasjonssentralen til Vest politidistrikt til bt.no måndag føremiddag.
Annonse
Det avkreftar Torgeir Fosse ved politiet Kvinnherad.
– Me har oppretta sak på §3, aktlaus køyring, tatt beslag i førarkort etter trafikkulukka, men me har ikkje noko mistanke om at det har vore ruskøyring, seier Fosse til Grenda.
