Avdukinga av Salmon Eye: – DDE kjem, kjem du?

Arrangementet startar om føremiddagen og varar utover kvelden. Initiativtakarane har allereie gått ut og invitert innbyggjarane i kommunen til folkefest, kor ei rekkje forskjellige aktivitetar står på programmet.

Festdagen blir avslutta med konsert på parkeringsplassen utanføre Rosendal samfunnshus, men fram til torsdag kveld var det hemmeleghald rundt kven det var som skulle stå for det Sebastian Torjusen i ei tidlegare pressemelding har kalla musikk av ypparste klasse.

Flytande lakseauga

I ein filmsnutt med frontfiguren i DDE, Bjarne Brøndbo, blir nyhenda presentert på Salmon Eye si Facebook-side.

– Fredag 2. september kjem eg og resten av DDE til Rosendal. Vi skal vera med på ei hending som er svær. Vi skal nemleg vera med på avdukinga av noko som heiter Salmon Eye, eit slags flytande lakseauga i gigantiske dimmensjonar, som skal bli ein turistattraksjon i Hardanger, seier Brøndbo i denne.

Innlegget er akkompagnert med eit spørsmål frå arrangøren:

– DDE kjem, kjem du?

Salmon Eye er kome til Kvinnherad. – Operasjonen var vellukka.