Arvid Nes er død
Fotball-eldsjela Arvid Nes er død, 76 år gamal.
Arvid døydde natt til laurdag på Haugesund sjukehus. Den triste meldinga vert stadfesta på fotballgruppa i Rosendal Turnlag si Facebook-side.
«Arvid vil bli sårt sakna både for alt dugnadsarbeidet han har lagt ned, hjelpa han har ytt, og for det mennesket han har vore for oss rundt han. Våre tankar og kondolanse går til familien», skriv fotball-leiar Reinhard Lund-Mikkelson.
Artikkelen held fram under annonsen.
Han opplyser at i Arvid Nes si ånd vil fotballskulen komande veke gå som planlagt. Det er eit arrangement Arvid har styrt med stor iver i fleire år.