Arrangerer lærlingtreff

Dei som står bak arrangementet er Kvinnherad kommune, Kvinnherad Næringsservice, Hydro Husnes og Opplæringskontoret for Sunnhordland.

«Gruppa ynskjer å skapa ein møteplass som har ein samanheng med KNS Ung, då ei samla erfaring er at det er mange unge som saknar ein møteplass. Dette er eit arrangement som vil koma fleire gonger. Det vil bli ulike tema på desse samlingane, og denne fyrste samlinga vil vi få Sparebank 1 Sør-Norge til å koma og snakka om kvifor kvardagsøkonomi er viktig og verdien av eit personleg budsjett», kjem det fram av ei pressemelding.

Frivillige organisasjonar som tilbyr fritidsaktivitetar blir òg invitert til å ha stand for å visa litt av kva fritidsmoglegheiter som finst.