Årleg strandrydde-dugnad

Hold Norge Rent inviterer heile landet til å bli med på Strandryddeuka frå 13.–22. september 2024. For mange har det blitt ein tradisjon å delta på denne ryddedugnaden.

«Strandryddeuka handlar ikkje berre om å fjerna tonnevis av bos», står det å lesa i pressemeldinga frå Hold Norge Rent.

–Strandryddeveka gjev oss ein fin moglegheit til å koma oss ut og få litt frisk haustluft, samstundes som me gjer ein viktig jobb for naturen, seier Heidi Gromstad, fagansvarleg for opprydding i Hold Norge Rent.

Pressemeldinga held fram med å påpeika at bosryddinga har gode konsekvensar ikkje berre for naturområde og marine økosystem, men også for at me skal kunna nyta turar i naturen. «Ved å delta på ein ryddeaksjon, gjer du kvardagen litt betre både for naturen, dyra og for oss mennesker», skriv dei.

Alle kan bli med!

Under Strandryddeveda bidreg barnefamiliar, skular, barnehagar, lag og organisasjonar, kommunar, avfallsselskap og mange fleire til reinare natur. Både store og små ryddeaksjonar utgjer ein skilnad.

–Me oppfordrar til rydding langs elvar, innsjøer, strender, holmar, øyer, stier og i sentrum, gjerne i nærleiken av der du bur, fortsetter Gromstad.

Pressemeldinga avsluttar oppfordringa slik: «Ingen kan gjera alt, men alle kan gjera litt.»