Arholm heilt i verdstoppen etter ny kjemperunde

Håvard Arholm tok flest poeng i Grenda-ligaen for andre runde på rad.

Den utflytta valebuen fekk ein forrykande start på Fantasy-sesongen då laget hans #Mois samla 116 poeng i opningsrunden av Premier League. Det førte han heilt til topps i Grenda sin Fantasy-liga. Denne helga bestemte laget seg for å rykka frå i front.

Med 93 poeng, var Arholm igjen den manageren som fekk flest poeng av Grenda sine 383 spelarar. Og med ein totalsum på 209 poeng, ligg Arholm no på ein imponerande 651. plass av verdas 7.5 millionar spelarar.

Har du endå ikkje slengt deg med i Grenda-ligaen, er det endå mogleg. Ligaen er open for påmelding fram til landslagspausen er ferdig.

For å bli med og med det konkurrera om ein fotballtur til England, så brukar du ligakoden: vowty2.