Arbeidsulukke på Halsnøy Dokk – fekk straum i seg
Ein mann vart sendt til sjukehus etter ei arbeidsulukke hjå Halsnøy Dokk i Høylandsbygd måndag kveld.
Klokka 17.05 vart det varsla om eit arbeidsuhell på Halsnøy. Ein mann jobba med vedlikehald og reparasjonsarbeid på ein høgtrykksvaskar.
– Han fekk straum i seg, og slikt utstyr er høgspent, altså sterkare enn 230 volt. Personen vart lettare skadd, og sendt til sjukehus for observasjon. Han kom heim igjen same kveld, og det ser ut til å ha godt bra med han. Saka blir etterforska på vanleg måte, opplyser politioverbetjent Torgeir Fosse.
