Arbeidsulukka på Halsnøy: Ikkje livstruande skadd
Personen som fall ned frå ein bygning på Halsnøy onsdag ettermiddag vart frakta til Haukeland med bruddskadar.
Publisert
Sist oppdatert
Fallulukka skjedde i Landamarka, kor eit lokalt byggfirma jobbar med eit nybygg.
– Det var ein mann i førti-åra, med utanlandsk opphav, som fall ned frå ein tak-konstruksjon og landa på bakken under. Han vart teken under behandling av helse og vart frakta med luftambulansen til Haukeland for behandling. Der er han framleis under behandling, men skal ikkje vera livstruande skadd, kunne politistasjonssjef Sigurd Børve opplysa torsdag føremiddag.
Annonse
Då ulykka skjedde i samband med eit nybygg under oppføring, gjennomført av eit organisert firma, blir det oppretta sak av både av politiet og Arbeidstilsynet.
Børve kunne ikkje sei noko om høgda mannen fall frå då rapporten framleis ikkje er ferdig, men meinte eit mogleg estimat kunne vera 3-4 meter.
