Amcar-klubben gler seg til vårmønstringa
I 2022 var vårmønstringa til Amcar Kvinnherad endeleg tilbake etter pandemiavlysingane. 1. mai er dei tilbake med tradisjonen.
Publisert
Sist oppdatert
– I fjor kom det enormt med folk og bilar. Me mista oversikta på 320 bilar, og det var tydeleg at vårmønstringa hadde vore sterkt sakna i amcar-miljøet, for det var ekstraordinært mange som vitja i fjor, seier leiar i Amcar Kvinnherad Stein Bjarte Kaldestad.
Før pandemien var det parkeringsplassen mellom Aksen og Fagbygget som vart nytta til mønstringa. Då dei skipa til i fjor, var det parkeringsplassane til Rema 1000 og Bygger’n Teigen som var mønstringsstaden. Slik blir det i år også.
Annonse
– Me kjem nok til å vera borti 30 for å få tatt oss av innsjekk, kiosk og stuing. Eg trur me nærmar oss den 35. gongen for vårmønstringa, og det er tydeleg at me er innarbeidd i amcar-miljøet. Det rullar og går av seg sjølv. Me er på terminlista til Vestlandet, og får besøk frå Bergen i nord til Sauda i sør. Det er eit Fint utstillingsvindauge, og gir ei fin inntekt til klubben, seier Kaldestad.
Street Legal-køyringa lagt på is inntil vidare.
– Det blir for mange risikoar knytt til å arrangera til at me vil gjer det i år, inkludert vêret, kommenterer Kaldestad, som uansett gler seg til å ta i mot hundrevis av bilar til årets treff.
