Alt tyder på historisk trafikkrekord
Rødnebåten har allereie sett ny månadsrekord i år. Dessutan tyder alt på at det også vert ny årsrekord, og at ruta for fyrste gong vil frakta meir enn 50.000 reisande.
Publisert
Hardangerfjordekspressen mellom Rosendal-Malkenes-Os-Flesland-Bergen har alltid levert gode trafikktal, men etter at koronaen forsvann har det teke heilt av. I fjor vart den gamle årsrekorden på 44.830 passasjerar frå 2012 regelrett knust. Den nye rekorden lydde på 49.584. I tillegg var det både i juli og august i fjor for fyrste gong meir enn 7.000 reisande i éin enkelt månad.
Men i 2024 har ruta nådd endå eit nivå. Tala viser for det fyrste at det igjen er sett ny månadsrekord, og at ein allereie har passert 8.000-grensa. I juli var det heile 8.361 som løyste billett på Hardangerfjordekspressen. Rett nok er ikkje sommartrafikken totalt sett særleg mykje høgare enn i fjor, for både juni og august måtte finna seg i nedgang.
Annonse
Samanlagt etter ni månader viser tabellen 43.459 reisande. Ved nokolunde normal trafikk resten av året, vil ein dermed enda kring 52.000 i alt.
