5G ved Fjellhaugen
Telia skal no vera klar med 5G-dekning i Matersfjella. Også Herøysundet nærmar seg.
Publisert
Sist oppdatert
I kommunestyret på torsdag kom vikarierande kommunedirektør Gunn Berit Sandnes Fosse med ei oppdatering om Telia si utbygging av nye basestasjonar i Kvinnherad.
– Telia har informert om at Sengjanuten ved Fjellhaugen no er klar, og gir både 4G og 5G-dekning. Basestasjonen i Herøysund vil vera klar i løpet av tredje kvartal i år, sa ho.
Annonse
Sengjanuten er eit 688 meter høgt fjell, som ligg om lag midt mellom Fjellhaugvatnet og Skavdalssvingane ovanfor Matre.
Telia har jobba lenge med utbygging og oppgradering av mobilnettet her i kommunen. Resultat vert fire nye basestasjonar, i tillegg til at eksisterande basestasjonar får nytt 4G/5G-sendeutstyr.
Også Telenor er i gang med eit liknande prosjekt.
