25. juni-utvalet: – Drapet kunne vore avverga

Bistandsadvokat for dei pårørande etter Kåre Arvid Hesvik Per Ivar Hessen har lese store delar av rapporten, og er litt skremt over det som kjem fram, mellom anna at heile åtaket på London Pub kunne vore unngått.

PST var varsla

Rapporten presenterer blant anna sine ti mest sentrale funn, og slår fast at angrepet natt til 25. juni 2022 – og med det drapet på Kåre Arvid Hesvik og Jon Erik Isachsen – kunne vore forhindra dersom PST hadde oppretta ein forebyggande sak mot Zaniar Matapour i månadene fram mot angrepet.

Rapporten sitt arbeid har blant anna avdekka at PST mottok eit varsel frå E-tenesta fem dagar før angrepet. Utvalet skriv blant anna dette om varselet:

«Dette varselet ble formidlet gjennom et hastemøte som E-tjenesten kalte inn til mandag 20. juni 2022. I dette møtet opplyste E-tjenesten PST om at de nylig hadde mottatt informasjon om en person som ønsket å komme i kontakt med ISIL i forbindelse med en planlagt operasjon, mest sannsynlig et terrorangrep, i Norge. Videre vurderte E-tjenesten at denne personen mest sannsynlig var Arfan Bhatti. På dette tidspunktet var både PST og E-tjenesten kjent med at Bhatti befant seg i utlandet.

Dermed var det etter utvalgets mening nærliggende å tenke at noen andre enn Bhatti skulle gjennomføre det aktuelle angrepet. Videre mener utvalget at dersom PST på bakgrunn av varselet fra E-tjenesten hadde undersøkt hvem som kunne være en mulig utøver av et slikt angrep i Norge som Bhatti var involvert i, ville de med høy grad av sannsynlighet identifisert Matapour som én av få kandidater over et visst trusselnivå og med en kjent relasjon til Bhatti.

Dermed kunne PST iverksatt spaning mot Matapour i dagene frem mot angrepet.» skriv utvalet.

– Ripe i lakken til PST

Terrorangrepet mot London Pub var eit angrep på Pridemarkeringa i Oslo, og ein av konsekvensane etter angrepet var at den store Prideparaden i Oslo vart avlyst. Hessen er overraska over fleire av utvalet sine funn, mellom anna at PST ville venta med å gjera noko til etter helga, av omsyn til overtid og ferieavvikling.

– E-tenesta er sett der for å finna ut ting, og PST er sett der for å avverga ting. Gjorde E-tenesta det dei kunne og spelte med opne kort med PST? PST ser for meg ut til å ha fått nok informasjon til å handla. Utvalet seier at Førebuande seksjon (FSR) har gjort ein god jobb.

PST får ei solid ripe i lakken, og eg syns dette er alvorleg lesnad, seier bistandsadvokaten.

Han held fram:

– Sannsynet for at Kvinnherad blir offer for terror, er liten. Eg som landsens advokat skal kanskje ikkje meina for mykje om dette, for me veit ikkje kor mange terrorangrep som har blitt avverga, men utvalet konkluderer med at det er fleire grep som kunne vore gjort, men som ikkje vart gjort, påpeikar han.

Oslo-politiet har Hessen derimot fått eit veldig godt inntrykk av i denne saka, og meiner at dei har fått mykje uberettiga kritikk.

– Dei har vore omstillingsvillige, dei har nok lært av 22. juli, og skal rosast, tykkjer Hessen som meiner oppfølginga hans klientar har fått av politiet har vore flott.

– Dei har halde mine klientar laupande orientert. Det fortel noko om kva fokus dei har på å ivareta dei som er råka her. Politiet med pårørandekontakt har gjort mykje av jobben som ein bistandsadvokat ville hatt, seier Hessen.