– 2023 var smekkfull av gode bøker

– Eg tykkjer at 2023 var smekkfull av gode bøker. Eg har lese sidan eg var knøtliten og trur ikkje eg har vore borti betre bøker slik som i fjoråret, men eg er også veldig optimistisk med tanke på kvaliteten på dei som kjem i 2024, konkluderte Gertz.

Den leseglade dagelege leiaren fortalde at det er ein viss type bøker som sel mest kvart einaste år, og fjoråret var inkje unntak, nemleg bøker av lokale forfattarar.

Typisk kvinnhering

– Det gjekk utruleg mykje lokal litteratur, og det er heilt klassisk. Hos oss er det dei som utan tvil sel best år etter år, fortalde Gertz.

– Eg veit ikkje kor typisk dette er for vestlandet, men det som kanskje er ulikt frå andre stader er at det er poesi blant dei som ragar øvst på lista. Det tykkjer eg er gøy, og ein anna ting som er verd å merka seg er at nesten alle bøkene på topp fem-lista var nynorske, la ho til.

Topp fem-lista over dei mest selde bøkene totalt sett hjå Norli Husnes ser slik ut:

1.Rock- og popband i Kvinnherad gjennom 60 år av Lars Jostein Rørvik

2.Pus av Arne Torget

3.Atlas av Lucinda Riley og Harry Withaker

4.Fartøyhistorie frå Halsnøy, Fjelberg og Valen

5.Fleire vestlandsvegar av Halvor Folgerø

– Det har rett og slett bobla over av kvalitetslitteratur i Kvinnherad, og eg vil nesten sei at det er typisk kvinnhering og skriva gode bøker. Det er mange som skriv godt, og folk set verkeleg pris på bøkene. Det verkar som at folk ynskjer lesa om vår felles historie og det som står oss nært, sa Gertz.

Anbefalingar

Noko anna Gertz har lagt merke til er ein aukande trend blant jenter og unge kvinner i å kjøpa engelske romanar.

– Det er det me kallar ein book-tok trend, der dei anbefalar kvarandre bøker inne på tik-tok. Ein ser det nasjonalt, men også her i Kvinnherad, at hovudsakleg jenter og unge kvinner les engelske romanar. For gutar og unge menn er det gjerne meir Manga-litteratur som gjeld, men sjølvsagt les både gutar og jenter begge deler, fortel den daglege leiaren.

Gertz ynskjer også å koma med nokre anbefalingar dersom nokon skulle vera i vande for tips til neste leseoppleving.

– Det er mange gode bøker, men eg er veldig glad i blant andre Frode Grytten si nye bok «Den dagen Nils Vik døde», i tillegg gler eg meg veldig til Marit Eikemo si bok som kjem denne våren «Vi er brødrene Eikemo!». Til dei yngre lesarane som måtte like fantasy, gjerne frå 8 år og oppover, så anbefalar eg Villdyr av Håkon Markus, sa Gertz.

– Den boka slost dei utanlandske forlaga om å få gje ut, og eg anbefalar den glatt til dei som er glade i for eksempel "Harry Potter". H. Markus lånar litt frå J.K Rowling, samstundes som den på viktige punkt bryt med denne typen univers, forklarte ho vidare.

Her kjem topplistene frå eit knippe sjangrar med dei mest selde bøkene hjå Norli Husnes:

Krim:

1.Sjalusimannen og andre historier av Jo Nesbø

2.Røykteppe av Jørn Lier Horst og Thomas Enger

3.Skjebnedøgn av Jørgen Jæger

4.Gråsonen av Jan-Erik Fjell

5.Blodmåne av Jo Nesbø

Skjønnlitteratur:

1.Pus av Arne Torget

2.Atlas av Lucinda Riley og Harry Withaker

3.Skråpånatta av Lars Mytting

4.Lungeflyteprøven av Tore Renberg

5.Kanskje fuglane vett? av Arne Torget

Barne- og ungdomsbøker:

1.Musse og Helium av Camilla Brinck

2.Biler og store maskiner av Sam Taplin

3.Bukkene Bruse og julenissen av Bjørn F. Rørvik

4.Dyrene (ei bok for dei minste med lydar i)

5.Oskar og eg av Maria Parr

Engelsk litteratur:

1.Icebreakers av Hannah Grace

2.It ends with us av Colleen Hoover

3.Fourth Wing av Rebecca Yarros