19-åring laga musikkvideo til Audrey Horne - sjå video
Cecilie Håvik frå Valen studerer filmproduksjon i Bergen, og fekk nyleg i oppgåve å laga ein musikkvideo til ei komande låt av Audrey Horne. No har rockebandet slept både musikkvideoen og låta. Sjå videoen her!
Publisert
Sist oppdatert
Cecilie Håvik var regissør på ei videooppgåve klassen hennar fekk utlevert i april. Ei skuleoppgåve som skulle visa seg å bli musikkvideoen til Audrey Horne - eit av Noregs sterkaste rockeband.
I ei pressemelding fortel lærar og bandmedlem Arve Isdal dette om videoen og produksjonen:
Annonse
– Filmstudentane på skulen eg jobbar for, Noroff Fagskule, hadde som oppgåve å laga ein musikkvideo. Eg tenkte det ville vera ein god idé for dei å prøva å laga ein video for Audrey Horne. Diverre hadde me ikkje tid til å faktisk vera til stades i videoen, så me måtte senda dei berykta dokkeversjonane av oss sjølv for å stjerna i den. Studentane gjorde ein god jobb, og videoen viste seg å bli veldig morosam og profesjonell, så me ynskja å dela den med dykk alle. Ingen av dokkene blei skada i produksjonen av videoen (så vidt me veit), seier han i pressemeldinga.
