Fjordhotellet, Turisthotellet, Baroniet, Olaløo og Rødne er blant selskapa som deltek i etableringa av Visit Rosendal.
«Visit Rosendal er under planlegging som eit samarbeid mellom ulike reiselivsaktørar med utgangspunkt i Rosendal og omland. Per dato er det 15 aktørar og opplysningar om fjellturar og badeplassar som inngår i den digitale, interaktive brosjyren vi har produsert», heiter det i eit brev til kommunen.
Annonse
Deltakarane som er med er: Folgefonnsenteret, Turistinformasjonen, Baroniet Rosendal, Steinparken, Elisas hus (Elisa Helland-Hansen), Rosendal Event, Fjellhaugen skisenter, Rosendal Putballpark, Elins Matgleder, Olaløo, Folgefonn Feriegard, Rosendal Turisthotell, Rosendal Fjordhotell, Hardanger Fjord Lodge og Rødne Fjord Cruise.
«Fleire av aktørane i Visit Rosendal har lenge sett behovet for ei form for større grad av samarbeid og eit målretta arbeid for å utvida driftssesongen», skriv dei om bakgrunnen for etableringa.
