120 dagar i fengsel etter dødsulukka

Kvinna, som er tidleg i 20-åra, er også dømt til å betala kvar av foreldra til avdøde 125.000 kroner i oppreising. Ho er frådømt retten til å føra førarkortpliktig motorvogn i tre år og seks månader etter ulukkestidspunktet.

– Utgangspunktet må etter rettens oppfatning liggja på fem månaders fengsel. I formildande retning skal det leggast vekt på at tiltalte frå første stund har erkjent dei faktiske forhold. Utan hennar tilståing hadde det ikkje vore mogeleg å leggja til grunn at det var handteringa av klimaanlegget som var årsaka til at merksemda svikta, skriv Haugaland og Sunnhordland tingrett i domsavseiinga.

Dommen er sett på følgjande grunnlag:

Måndag 19. juli 2021 kl. 20.05 ved Matre i Kvinnherad, køyrte ho ein VW Golf personbil ST85922 sørover fylkesveg 5024 med ein fart på mellom 91 km/t og 103 km/t på ein stad der høgast tillate fart utanfor tettbygd strøk er 80 km/t. Under køyringa tok ho merksemda bort frå vegen og betente friskluftsanlegget i bilen og/eller betente andre element slik at ho kom over på venstre side av vegbanen kor samanstøt oppsto med møtande Yamaha moped TS8919 ført av Emma Weberg Kaldestad. Emma Weberg Kaldestad omkom på staden som følgje av knusningsskadar etter samanstøtet.