11.000 kroner til THK-stiftinga

Programmet var rikhaldig, og i tillegg til ei helsing frå THK-stiftinga, vart publikum underhaldt av dyktige musikarar; Martine Myklebust, vokalensemblet Glimrah, Rustne menn, Eva Megyesi, Røysterett for alle, Veteranbandet frå Uskedal musikklag og Kvartetten ÆRE.

Frammøte på Solidartitetskonserten var i følgje Uskedalen.no ikkje det beste. Likevel kom det inn tilsaman kr. 11.000,- på VIPPS og konstantar til THK-stiftinga i Haugesund.

– Dagleg leiar, Vidar Akselsen, takkar for gåva og er imponert over arbeidet som vert gjort i Kvinnherad med innsamling og økonomisk støtte. Akselsen sa i helsinga si til konserten at no er det mest naudsynt med innkjøp av mat og medisinar, skriv uskedalen.no, som også informerer at det framleis er mogleg å gje støtte til stiftinga.

THK-stiftinga har allereie gjort ein stor innsats med naudhjelp til Ukraina, mellom anna fylte dei ein trailer med naudsynt utstyr og reiste til grensa mellom Polen og Ukraina førre veke.

– Kvinnheringane si gjevarvilje har vore heilt eineståande, sa Tormod Myklebust til Grenda då.