1 million ekstra til kultur

«Kulturtilskotet skal fordelast på følgjande måte: Tilstrekkeleg løyving for å sikra at biblioteket i Kvinnherad kan fortsetja å halda laurdagsope som i dag. Løyving demenskor 100.000 kroner. Resterande sum skal nyttast for å styrka tilskotsordningane til frivillige lag, organisasjonar og kultur», står det i budsjettvedtaket.

– Kulturpolitikken er viktig for bygginga av demokratiet vårt. Kulturen skal femna breitt og smalt, og kulturpolitikken skal bidra til mangfald, så det er viktig med sterke kulturinstitusjonar, sa Maren Skogseth (V) i Kommunestyret.

– Venstre ynskjer å verna om kulturtilbodet i kommunen, og vi er veldig fornøgd med å ha fått prioritert kulturen med 1 million i driftsmidlar i forhold til kommunedirektør sitt budsjett, la ho til.