1 mill. til Attraksjon Sunnhordland

Fylkesdirektøren innstilte på å avslå søknaden av formelle grunnar, men Hovudutval for næring i Vestland fylkeskommune kom til motsett konklusjon. På onsdag sette difor Sigrid Brattabø Handegard (Sp) på vegner av A, H, MDG, Sp, SV, V, KrF fram forslag om å løyva inntil 1 million kroner til prosjektet Attraksjon Sunnhordland. «Eventuell støtte til år to og tre vert å koma tilbake til», står det i vedtaket.

– Dette er avgjerande for at vi kan koma i gang med dette fantastiske prosjektet, sa ordførar Hans Inge Myrvold til kommunestyret.