Nye vatningsforbod i Kvinnherad

No har også Valen og Ænes fått vatningsforbod.

Frå før har Kvinnherad kommune innført vatningsforbod på Halsnøy som følgje av vassmangel. No har dei også innført forbod mot vatning med slange og spreiar på Valen.

– På Valen så kjem det ikkje som følgje av at det er for lite vatn, men det kjem etter for stort forbruk. Vi klarer ikkje å levera så mykje som forbruket tilseier, seier einingsleiar Egil Eide for vatn og avlaup i Kvinnherad kommune.

På Ænes gjeld forbodet ein mekanisk feil, noko kommunen håpar å ha fått fiksa over helga.

Når det kjem til dei andre bygdene så vurderer kommunen situasjonen dag for dag.