Nye konsertar med Strupebandet

Strupebandet er klart for nye tokt, og til helga klinkar dei til med tre konsertar på rappen.

Morten Nygård

Morten Nygård

morten@grenda.no

17 mai, 2017

På fredag vert det to konsertar på Halsnøy og på laurdag éin i Rosendal.

– Temaet denne gongen er kjende låtar frå 60-, 70- og 80-talet, mykje rytme og energi. Vi er innom både hippitida og diskobølgja, soul, pop og rock, men òg vakre balladar. Under det heile ligg ein hyllest til livet og musikken, opplyser koret.

Solistane blir som vanleg flittig brukt. I tillegg vert Mats Moland Træen frå Dimmelsvik med på gitar i lag med koret sitt faste orkester.

– Vi håpar folk kjem og kosar seg i lag med oss på konsertane, seier den glade gjengen.