Wenche Tveit og Lars Arve Fatland er to av mange som har vore i full sving i produksjonshallen til Palfinger Marine i Ølve. No er det meir jobb i vente. (Arkivfoto)

Ny kontrakt til Palfinger Marine

Palfinger Marine skal levera fire fritt-fall-livbåtar til Johan Castberg.

Det skriv livbåtbyggjarane i ei pressemelding torsdag kveld.

– Vi har arbeidd med eigaren, designselskap og verft heilt sidan starten av utviklingsplanen på Castberg gjennom å skaffa teknisk data for å finna dei beste løysingane, seier salssjef Oddgeir Mælen i pressemeldinga.

Artikkelen held fram under annonsen.

Johan Castberg er operert av Statoil, med Eni og Petoro som partnarar. Og det er Sembcorp Marine som står for bygginga av skroget på produksjonsskipet som skal liggja i Barentshavet.

– Vi er veldig glade for at Sembcorp Marine kom fram til at vår løysing var den beste og med det inngjekk kontrakt med oss, seier Mælen.

Leveringa av dei fire livbåtane av typen FF1200 er planlagd til fyrste halvdel av 2019.