Ny fabrikksjef på Hydro Husnes

Johan Berg (42) er tilsett som fabrikksjef for Hydro Husnes, og tiltrer 14. august. Noverande sjef, Per Øyvind Sævartveit, får ny jobb i Hydro-systemet, med base i Brasil.

– Johan Berg er tilsett som ny fabrikksjef ved Hydro Husnes. Per Øyvind Sævartveit vil tiltre i rollen som Lead Director i Global Joint Venture (GJV) organisasjonen i Primær Metall. Endringane trer i kraft frå 14. august 2017, skriv informasjonsdirektør i Hydro, Halvor Molland, i ei pressemelding.

Berg er utdanna sivilingeniør i prosessmetallurgi frå NTNU og har en MBA fra University of Pittsburgh, USA. Han kjem til Hydro Husnes frå toppstilling i Primær Metall-avdelinga til Hydro. På cv-en har han ulike leiarstillingar i Elkem/Alcoa, der han var tilsett i perioden frå 2000 til 2015.

– Eg gler meg til å ta til, og gler meg til å koma tilbake til produksjonen. Eg har blitt kjent med Hydro Husnes gjennom dei to siste åra, og mellom anna sete i eit intenstyre for bedrifta. Det er ein spennande fabrikk med mange dyktige folk, seier Berg til Grenda.

Han har i to år hatt Oslo som base, men flyttar til Husnes i august, og kjem på sikt til å ta med seg familien på lasset.

– Eg har barn på to og fem år, og då kan ikkje vekependla, påpeika oddingen som no trivs med tanken på å koma seg nærare heimbyen.

– Det gjer ingenting å koma nærare røtene mine, sluttar han med eit smil.

Per Øyvind Sævartveit vil gå inn i rollen som Lead Director i GJV, og ha base i Belem, Brasil.

– Sævartveit vil i si nye rolle følgja opp Hydro sin eigardel i Albras og tre inn i styret i selskapet. Han er utdanna siviløkonom frå NHH og jobba i perioden 1993 til 2002 ved Odda Smelteverk, først som økonomiansvarlig og deretter som administrerande direktør. Frå 2003 til 2008 var han administrasjonssjef i Tinfos Titan, før han blei tilsett som administrerende direktør ved Søral (Hydro Husnes) i 2008. I sin nye stilling vil han rapportere til leder for Global Joint Venture, Einar Glomnes, skriv Molland i pressemeldinga.