Meld for ruspåverka køyring
Ein rusa person køyrte ned eit skilt på Husnes førre tysdag.
Klokka 01:02 var politiet på staden etter å ha fått melding om eit trafikkuhell på Husnes. Ein bil hadde køyrt ned eit skilt, og det var mindre skader på bilen. Førar var ikkje på staden, men politiet fekk tak i mannen ein annan plass, og kunne fastslå at han var rusa.
Føraren var uskadd. Førarkortet hans vart beslaglagt, og han vert meld av politiet for trafikkuhell og ruspåverka køyring.
