Fekk prikkar på salsløyvet
To daglegvareforretningar på Husnes har fått prikkar eller varsel om prikkar på salsløyvet sitt etter kontrollar i januar og februar.
Rema 1000 fekk måndag tildelt to prikkar på salsløyvet sitt. Grunnen var at internkontrollen ikkje var oppdatert. Den mangla avviksskjema og årleg signatur frå dei tilsette om at dei har gjennomgått permen.
Kiwi fekk samstundes førehandsvarsel om to prikkar, også her var grunnen at det mangla dokumentasjon på at dei tilsette er kjende med internkontrollen.
Artikkelen held fram under annonsen.
Alkoholforskrifta fastslår at det skal gjevast 2 prikkar for «manglar ved bevillingshavers internkontroll». Får ein 12 prikkar på løyvet sitt over ein periode på to år, skal løyvet inndras i ei veke.