Bil i fjellvegg: – Svært glatt på vegane

Det var berre den eine bilen som var involvert i ulukka. Alle dei fire, tre vaksne og eitt born, var vakne og ute av bilen. Naudetatar kom til staden, og såg til dei involverte.

– Der blei det konludert med at dei involverte ikkje trong vidare helsehjelp. Vegen vart stengd i ein kort periode, og det var såpass store materielle skadar at bilen måtte bli frakta vekk av bergingsbil, seier politistasjonssjef Sigurd Børve.

Utifrå totalbildet har dei valt å ikkje oppretta sak etter ulukka.

– Det er svært glatt på vegane, og ein kan vera uheldig. Med tanke på dei tilhøva som har vore i kommunen vår dei siste dagane, har det gått veldig bra i trafikkbildet, meiner Børve.