Nok ein Strand-Ulv-gut på landslaget
Lars Kristian Ekeland er teken ut i ungdomslandslagstroppen som reiser til Oslo 13. april.
Det skriv Norges volleyballforbund i ei pressemelding onsdag.
Artikkelen held fram under annonsen.
Lars Kristian er då den andre spelaren frå Strand-Ulv som skal på samling i Oslo mellom 13. og 17. april. Frå før er Henrik Tholo Aasen teken ut i juniorlandslagstroppen som skal samlast i hovudstaden på same tid som Lars Kristian og ungdomslandslaget.
Lars Kristian er førebels ein av tolv gutar fødd i 2003/04 som er teken ut i det som er det fyrste av to uttak til landslagssamlinga. Det neste uttaket kjem etter U15 NM 29. mars.