No kan du melda deg på UKM

Marius Tveit Nissestad

Marius Tveit Nissestad

marius@grenda.no

Publisert: 12. januar 2021, 15:00

På grunn av koronapandemien vart UKM Kvinnherad avlyst i 2020. No planlegg dei for fullt i 2021.

– Me gler oss veldig over at me kan samlast igjen og by på kultur saman. Meld deg på og bli med oss på å skapa ein kjekk dag i lag, skriv UKM Kvinnherad på si nettside.

Dei opna opp for påmelding til UKM i 2021 like før jul, og håper at så mange som mogleg har lyst til å bli med.

– Me treng song, musikk, dans, latter og glede i liva våre no. Dette skal me gjera i lag. Me veit at det krelar av flott ungdom der ute. Me har lyst til å leika med dykk. Ein kan melda seg på med omtrent kva ein måtte ynskjer, og me vil gjera det me kan for å hjelpa deg til å få ting til slik du ynskjer. I år kan me gjera ein skilnad for dei rundt oss, står det å lesa i meldinga frå UKM.

For å melda deg på registrerer du deg på UKM Kvinnherad sine nettsider innan søndag 7. mars. Sjølve arrangementet går av stabelen i Kulturhuset Husnes laurdag 20. mars.