No kan du bli med på å kåra årets barnebok

Marius Tveit Nissestad

Marius Tveit Nissestad

marius@grenda.no

Publisert: 5. februar 2019, 13:00

Bokåret 2019 startar med ei stor kåring av dei beste barne- og ungdomsbøkene på nynorsk.

Kva bok på nynorsk elskar du? Kva var mest spennande og kva bok fekk deg til å le mest? Eller kanskje var boka god på ein heilt annan måte?

– Me skal kåra dei beste nynorske bøkene innanfor fleire sjangrar, blant anna bildebøker, forteljingar, romanar, diktbøker og faktabøker. Då treng me hjelp av born, unge og vaksne over heile landet til å nominera sine favorittar, seier redaktør Svein Olav Langåker i Framtida.no og Framtidajunio.no i ei pressemelding.

Kåringa er i samarbeid med Pirion, og Nynorsksenteret er med å velja ut dei nominerte bøkene. Første nominasjonsrunde varer fram til 1. mars. Og allereie no kan kven som helst gå inn på dei to nettstadane og nominera sine favorittar.