No har ikkje dette talet noko å seia om kontrollfristen lenger
Det siste talet i registreringsnummeret på bilen din har så langt styrt kva tid bilen sin skal inn på EU-kontroll. Det er det no slutt på.
Frå 8. februar 2019 vart det slutt på at det siste talet i registreringsnummeret ditt kunne seia noko om kva tid bilen din skulle på EU-kontroll. No er det desse reglane som gjeld:
Artikkelen held fram under annonsen.
- For nye bilar registrert etter 8. februar 2019 vert fyrste EU-kontroll fire år frå registreringsdatoen. Som tidlegare skal nye bilar ha første EU-kontroll etter fire år, deretter annakvart år.
- For eldre bilar skal ein kontrollera bilen etter den fristen som gjeld frå i dag. Frå første EU-kontroll etter 8. februar 2019 gjeld to år frå kontroll-datoen.
Det skriv NAF i ei pressemelding.
– Forbrukarane må vera særleg merksame på ein ting. Tidsfristen for etterkontroll av bilen vert strengare med dei nye reglane. Om bilen ikkje blir godkjent, har ein to månadar på å utbetra feila. Difor er det viktig å berekna nok tid til både kontroll, eventuell reperasjon og etterkontroll. Overheld du ikkje fristen for godkjent EU-kontroll kan køyretøyet bli avskilta, står det å lesa i pressemeldinga.