I juni neste år kjem karane frå Nazareth til Husnes og OmStock. (Pressefoto: Dagmar Heinrich-Hoppen)

Nazareth til OmStock

I juni neste år vil «Love Hurts» runga utover torgplassen på Husnes.

Då kjem nemleg rockarane i Nazareth til OmStock, festivalen som går av stabelen i Husnes sentrum 7. til 9. juni.

Artikkelen held fram under annonsen.

– Vi lovde eit internasjonalt og kjent band med låtar som folk kjenner. Og det trur eg at vi har funne. I tillegg så er det retro, og det er gøy, men samstundes så har dei låtar som alle kjenner til. Ikkje minst «Love Hurts» som er kjent over heile verda. Så dette er fin signering som vi er veldig nøgde med, seier Trond Betten i OmStock.

I tillegg til det skotske rockebandet, er det allereie klart at det også blir dansk dynamitt under neste års festival.

– Chili Klaus kjem, og det synest eg sjølv er veldig artig. Og så kjem det sjølvsagt meir, vi køyrer på i positiv stil. Og det vil koma noko for alle, seier Betten.