Myrane barnehage 20 år

Hausten 1999 vart Myrane barnehage høgtideleg opna med snorklypp av dåverande ordførar Aksel Kloster.

Såleis vart barnehagen 20 år i august/september 2019. Feiringa vart av ulike grunnar utsett til 10 januar.  Av dei som starta i jobb her i 1999, er det framleis tre personar som endå jobbar her.

Dagen vart feira for store og små med ny snorklypp, utført av eit av vårt personale. Bodil  byrja her i 1999, og var då fire år. Det var veldig kjekt og naturlig at ho som no er snart 25 år, kunne klippa snora til opninga av festen.

Både barnehagen, borna og personalet var pynta til fest. Den raude løparen var lagt ut i inngangen. Me hadde samling for alle der det var song og talar. Etter samlinga var det delt ut stetteglas med champagnebrus til alle.  Deretter vart det servert middag til alle før foreldre og familiane kom og fekk  kaffi og kaker.

I sum ei høgtideleg feiring og markering, med gamle og nye minne for store og små.

Tusen takk til alle som deltok!

 

Av: Lars Magnar Kaldestad, einingsleiar/styrar.