(Illustrasjonsfoto)

Møter Skyss og Norled

Denne veka skal ordførar Peder Sjo Slettebø i møte med Skyss og Norled. Hovudtema vert ferjemateriellet resten av Norled sin kontraktsperiode.

Slettebø har tidlegare reagert på at selskapet set inn ei eldre ferje på Årsnes-Gjermundshamn.

– Samstundes har fleire pendlarar vore i meg fordi ferja som går der i dag ikkje har godkjent sløkkeutstyr med tanke på farleg last, og at mange såleis må stå over avgangar når det er farleg last om bord. Då kan det berre vera med 12 passasjerar, sa han til formannskapet.

Artikkelen held fram under annonsen.

Bernth-Harry Eliassen (Ap) bad han samstundes leggja fram ynske om å etablera eit nytt snøggbåtsamband til Haugesund og Stavanger.

– Det har no vore borte i fem år, og det har blitt veldig kronglete å reisa sørover. Eg veit det er mange som saknar dette, fortalde Eliassen.

– Eg er sjølv blant dei som saknar å ta snøggbåten sørover, så dette skal eg ta med meg, svarte Slettebø.